Жүрекпенен иман ет Аллаға ұлық Жүрегіңе күмәнмен салма құлып. Мөп-мөлдір жаныңменен мінәжат ет, Сүйеніп Алла берген заңға тұнық.   (Өмірде адасқан көп жансақ ұғып...), Әр таңда мінәжатты аңса тұрып.  Илләһи Хақ ілімнен бастау алған, Ғаламдағы барша ілім, барша ғұрып.   Өркенде қу нәпсіңе сал да құрық, Көркемде мінезіңді алға жүріп. Сауапты іс мүлде елеусіз кетпек емес, Аллаға кәміл иман барда құрып.   Сауабы құлшылықтың қанша? Біл! Ұқ!.. (Бұл әлем нәпсі ойнақтан шаршады нық) Аллаға тәукелің сақтар сені, Нәпсіден құрылса да қанша құрық.   Жүрмеспіз...

Амал жаса әз руxыңды тең нықтар, Қайырымды іс қыл ізгілікпен жөн құптар. Бұл өмірде бәрінен де маңызды, Өмірлерге жасағаның оңды ықпал.   Ізгі іс қана ете алады бізді әсем, Иман болсын қасиетің жүздесер. Жиған байлық құны болмақ көк тиын, Айналаңа жасамасаң ізгі әсер.   Әрқашанда ашсын десең жүзді құт, Қайырлы істі берік ұстан ізгі тұт. Мұқтаждарға қол ұшын бер әрқашан, Көмек сұрап келер болса үздігіп.   Алла саған арнап отыр рет сыйын, Ізгілікке жасамағын тек тыйым. Көмек қолын созуға да болады, Қазынаңда болмаса да көк тиын.   Болсын десең берекелі...

Жүрегіңе ең алдымен иман орнат, Ол сені ең бір құнды сыйға апармақ. Иман өзі төресі бар ізгінің, Бойыңдағы өмірге жиған арнап.   Иман болмақ өмірде берік тірек, Жаса күнде Аллаға сеніп тілек. Иманды адам өмірге құштар келер, Және де өзгелерден еріктірек.   Иман кетсе, өмірге желік кіред (і), Бағытыңнан айнытып еліктіред (і). ...Бағыты жоқ бақытын байқамады, Өзі-ақ іздеп есікке келіп тұр ед (і)...   Иман берер сенімді мызғымас бір, Жүрегіңде иманың ізгі, рас, біл! Жат ойларды тазартып ойыңдағы, Бойыңдағы кеселді жым-жылас қыл.   Иман болса табасың...

Бала-бақша. Әдеттегі күн еді, Бүлдіршіндер бәрі ойнап жүр еді.  Тәрбиеші балаларды жинап ап,  Оларға бір тың тапсырма береді:   «Балақайлар қолға қалам алайық Аяулы жанұяны салайық. Әр балақай өз отбасын сомдаса,  Көрме жасау ойымыз бар ғажайып!»   Балақайлар ұсынысты құп алды,  Ұшқыр қиял тағы бір рет сыналды.  Бәсеке де бұл арада жоқ емес: «Болар екен кім суреткер, кім алды?».   Ақ қағазға ақ ниеттер үңілді,  Әр балақай қолдануда тың үлгі. Түрлі түсті қаламсаптар, қаламдар,  Ақ парақтар беттерінде...

Қалаға қар түскенін Хақ қалады, Айналаны түгелдей аққа орады. Артынша-ақ жасады көктайғақты, Пенденің білінсін деп нақты олағы.   Ақылды алдын ала сақ болады, Ондайға құт дариды, бақ қонады. Алдын ала қамданған пендесіне, Жаратқан жар болады, жақ болады.   ...Қатал қыс  танытпас-ау оң қабағын, Не болмақ қазір ойлан соңғы амалың?.. Көліктер көк тайқақта титықтап жүр, Кезінде ауыстырмай доңғалағын.   Не болмақ қазір ойлан оңды амалың?.. Күйреткін ғапылдықтың тоң қамалын. Біздерге бұл мысалмен деп тұрғандай: «Алдын ала қамданған жөн қарағым!». ...

Бақытыңды алмау үшін тұсап шын, Болу керек оңды ойлауда ұсақшыл. Түймедейден қуаныш ал ғаламат, Бағынғандай бір өзіңе мұзарт шың.   Ғұмырыңды сүру үшін күйінбей, Ойыңды біл ізгі арнада түйіндей. Шын жүректен сәбилерше қуанғын, Ізгілікке құртақандай, түйірдей.   Шаттана алсаң нәрселерге тым шағын. Азаяды бұл өмірде мұң шағың. Алла Өзі шағындардан құраған, Жаратқанда шексіз ғалам, жер шарын.   Жүргің келсе әрбір сәттен ырыс ап, Қуана біл нәсіптерге тым ұсақ. Қуана біл сейілдеудің орнына, Еңбек етсең бір күрделі жұмыс ап.   Әрбір сәттен ізгілікті аңсап...

Бойыңдағы дарын менен қабілет, Тәңір берген шапағатты нығымет. Өз өзіңе сенсең дарын ашылмақ, Сол себепті сеніміңді мығым ет.   Жүрегіңнің ұға білсең сарынын, Өркендейді Алла берген дарының. Дарын болып жаралмағам деп ойлау, Талантыңа балта шабар тар ұғым.   Қабілет бар берілетін саған-ақ, Тынысын аш, күтіп ұстап, бағалап. Алла берген талантына сенгенге, Ғалам сыйы шексіз әрі ғаламат.   Сын садағын жүргендерге сан атып, Арманыңды алмау керек тонатып. Алла бізді ерекше қып жаратқан, Қабілетті түрлі қылып таратып.   (Мәселен құс ұшу үшін жаралған, Жылан...

Өмірдің көп мәнді, құнды сынағы... Көңіл көзің болу керек қырағы. Нағыз өмір қазіргіден шыңдалу,  Нағыз өмір ізденістен тұрады.   Күннен күнге өзіңді өзің шыңдай түс, Шыңдалмасаң өзгермейді, тынбайды іс. Кіл күдіктің шырмауында қалғанда, Жүрегіңнің ғазиз үнін тыңдай түс.   Қазіргіден жақсы болу - мақсатың, Өміріңді өркендетер бақ сатың.  Шоқ жұлдыздай артында нұр қалатын, Сенің-дағы қалу керек жақсы атың.    Көңіл төрің толы болсын ізгі ойға, Парасаттың тұнығына жүз бойла. Ғұмырыңда тек байлықты ойламай, Абыройлы, таза, жарқын жүзді ойла. ...

Өн бойында имани нұр, шырай бар, Аңсап жетіп, қимайтұғын бір ай бар. Ой менен бой жаңаратын бұл айды, Жүрек аңсап, тілейді жан, сұрайды ар.   Жүрегіңмен Алла берген шартты ұғып, Нығымет жи бұл ай берген мәрт, тұнық. Адамға айнал кісілігі жарасқан, Болмысыңда ізгілікті арттырып.   Бұл айдың бар бір керемет жүйесі, Мың айдан зор қасиеті, киесі. Рамазанда басты мақсат - жетілу, Болу үшін көркем мінез иесі.   Бойыңнан тың руxани күш ашылып, Асқақтайсың жүзіңнен нұр шашылып. Оразада нәпсіңді егер тыймасаң, Әуре болып жүргенің құр ашығып.   ...

  Адамзат кетпес үшін мәңгі азып, Ұстын қажет болатұғын жанға азық. Ең нық ұстын - жүректегі иманың, Иманыңнан көңіл көзін қалма үзіп.   Иман керек Отаныңды сүйгенге, Білім-ілім көңіліңе түйгенге. Жүректегі иманыңмен жар таңда, Жүрегіңде иман болмай үйленбе!   Иман болса армандауға именбе, Күнде еңбек қыл ғибратлы іс үйрен де. Иманменен шаттығыңды еселеп, Иманменен жабырқаулы күйді емде.   Иман керек дүниені тануға, Әр сынақтан тағылымды алуға. Иман керек руxты биік сақтауға, Жетілуге, жігеріңді...